Казанда узачак 2022 елгы Махсус Олимпиаданың Бөтендөнья кышкы уеннарында 100 илдән 2900 артык делегат (спортчы, партнер, тренер һәм рәсми затлар), 2250 волонтёр, 1090 мәртәбәле кунак, 2 000 гаилә әгъзалары һәм 700 якын медиа вәкилләре катнашыр дип көтелә.
Уеннарның ачылу һәм ябылу тантаналары 2022 елның 22 һәм 28 гыйнварында "Татнефть Арена" боз спорт сараенда узачак.
Бу ярышларның үзенчәлеге – катнашучылар арасында яшькә һәм илгә карап бүленеш булмавында. Шулай ук монда медальләр зачеты та юк. Иң мөһиме – бу үзүсеш. Уеннарда интеллектуаль үсеш үзенчәлеге булган 15 яшьлек һәм аннан өлкәнрәк атлетлар катнаша ала. Спортка әзерлегенә карап, барлык катнашучылар дивизионнарга бүленә. Аларның һәркайсында 8 дә артык булмаган спортчы ярыша һәм пьедесталдагы урыннар саны да 8.
Махсус Олимпиада бөтен дөньяга үзеңнең чикләнмәгән мөмкинлекләреңне күрсәтергә һәм башкаларны илһамландырырга, танылырга, уңышка ирешергә һәм үз-үзеңә ышаныч тудырырга шартлар булдыра. Махсус Олимпиаданың Бөтендөнья уеннары ярышларда катнашучыларның тормышын гына үзгәртми, ә җәмгыятьне һәркем өчен чын-чынлап инклюзив итеп, аңа уңай үзгәрешләргә кертә.